Байланыс кәсіпорындары жұмыстарының негізгі көрсеткіштері

2017 жылғы қаңтар-желтоқсандағы Атырау облысының байланыс кәсіпорындары жұмыстарының негізгі көрсеткіштері

2017 жылғы қаңтар-желтоқсанда электр байланыс кәсіпорындарының қызмет көрсету көлемі 14044,2 млн. теңге құрады, бұл 2016 жылдың қаңтар-желтоқсан айымен салыстырғанда 6% артық (салыстырмалы бағамен).

Жалпы түсім сомасынан, өзге де электр байланыс қызметтерінің түсімі – 32,7%, Интернет – 28,9%, қалалық (жергілікті) телефон байланысы – 12,9%, сымсыз желілері және спутник, кабельді инфрақұрылым арқылы бағдарламаларды тарату қызметтері – 8,8%, деректерді беру саласының қызметі – 11%, қалааралық және халықаралық байланыс – 4,9%, жедел әрекет байланысы – 0,8% құрады.

2017 жылғы қаңтар-желтоқсанда пошталық және курьерлік қызметтердің көлемі 426,8 млн. теңгені құрап, 2016 жылдың қаңтар-желтоқсан айымен салыстырғанда 0,3% кем болды.

Халыққа электр байланыс қызметін көрсетуден 5337,8 млн. теңге, пошталық және курьерлік байланыс қызметтерінен – 193,8 млн. теңге табыс түсті, электр байланыс қызметтері 2016 жылғы сәйкес кезеңнен 3,8% артты, пошталық және курьерлік байланыс қызметтері 8% артты.

Халыққа көрсетілген электр байланыс қызметінен түскен табыс сомасынан қалааралық және халықаралық байланыс 7,7%, қалалық (жергілікті) телефон байланысы – 24,8%, Интернет – 44,5%, сымсыз желілері және спутник, кабельді инфрақұрылым арқылы бағдарламаларды тарату қызметтері – 21,5%, өзге де электр байланыс қызметтері – 1,5% құрады.