Атырауда «Мен бармын» ерекше балалар қоғамдық қоры өз өнерін көрсетті

фото: Аймақтық байланыс қызметі.

«Мен бармын» қоғамдық қорының ұйымдастыруымен өңірдегі ерекше балалар өз өнерлерін көрерменге ұсынды, деп хабарлайды Өңірлік коммуникациялар қызметі.

- Қаламызда ерекше балаларға арналған орталықтар жетерлік, бірақ 16 жастан асқан мұндай санаттағы балалардың баратын ортасы жоқтың қасы. Сол себепті «Мен бармын» қоғамдық қоры құрылған болатын. Басты мақсат - мектеп, балабақша табалдырығын аттамаған, күн сәулелі балалардың шығармашылығын арттыру арқылы қоғамға бейімдеу,- деді «Мен бармын» қоғамдық қорының жеткшісі Зайда Нұғманова.

Балалар театырланған көрініс арқылы қоғамның бір бөлігі ретінде, адамдармен еркін қарым-қатынасқа түсіп, есте сақтау қабілеті мен өз ойларын ашық жеткізе білуі маңызды екенін көрсетті.

Іс-шара соңында ұйымдастырушылар қатысқан 15 балаға сыйлықтар табыс етіп, өнердегі белестеріне сәттілік тіледі. Сондай-ақ, «Мен бармын» қоғамдық қоры атынан, балалардың кез-келген жобаларын қолдап, басы-қасында жүрген «Каспии Нефть» АҚ басшысы Серік Базарбайұлына алғысын жеткізді.

Если вы заметили ошибку, выделите необходимый текст и нажмите Ctrl+Enter, чтобы сообщить об этом редакции

#Атырау #ерекше балалар

Иван Рубан