Атырауда «Азаматтық қорғаныс» күніне орай ашық есік күні өтті

фото: Өңірлік коммуникациялар қызметі.

Бүгін №13 мамандандырылған өрт сөндіру бөлімінде бүкіләлемдік «Азаматтық қорғаныс» күніне орай ашық есік ұйымдастырылды, деп хабарлайды Өңірлік коммуникациялар қызметі.

Іс-шара барасында құтқарушылар мектеп оқушылары мен колледж студенттеріне құтқару техникасы мен құрылғылары көрсетіп, оларды қолдану жайында түсінік берді. Қызығушылық танытқандарға өрт сөндіру көлігіне отыруға, авариялық-құтқару құрал-жабдықтарын көруге және естелік суретке түсуге мүмкіндік берілді.

- Бүгін 1 наурыз - бүкіләлемдік «Азаматтық қорғаныс» күніне орай ашық есік ұйымдастырылып отыр. Негізгі мақсат - халықтың арасында азаматтық қорғаныс ұғымын түсіндіру және өрт-сөндірушілердің бір күндік өмірімен таныстыру. Іс-шара барысында құтқаруышлардың күн тәртібіне сай қызмет атқаруы, дауыл бойынша шығулары және оқу мұнарасының төртінші қабатынан құтқару тәсілдері кеңінен көрсетілді, деді Атырау қаласы №13 мамандандырылған өрт сөндіру бөлімі бастығының орынбасары Расул Каримоллаев.

Айта кетейік, аталған іс-шараға колледж және мектептерден 70-тен астам оқушы қатысты.

Если вы заметили ошибку, выделите необходимый текст и нажмите Ctrl+Enter, чтобы сообщить об этом редакции

#Атырау #ашық есік күні

Иван Рубан