Атыраулық спортшы каратеден қола жүлдегер атанды

фото: Өңірлік коммуникациялар қызметі.

Атыраулық спортшы Нұрбек Кенжебай БАӘ-нің Фуджейра қаласында өткен WKF Karate 1 Youth League рейтингтік халықаралық турнирінде 60 келі салмақ дәрежесінде қола медаль жеңіп алды, деп хабарлайды Өңірлік коммуникациялар қызметі.

Біріккен Араб Әмірліктерінің Фуджейра қаласында 22-26 ақпан аралағында Karate Youth League турнирі өтті. Байрақты додаға әлемнің 67 елінен 1200 спортшы қатысты.

- Қазақстанның жастар құрама командасы U-21 командалық есепте 1 орынға ие болды. Үш алтын, бір күміс және үш қолаға қол жеткіздік. Бұл турнир қазан айында өтетін әлем жекпе-жек ойындарына іріктеуінің алғашқы жарысы болып саналады,- деді аға-жаттықтырушы Болат Ізбасханов.

Айта кетейік, бұдан бұрын Нұрбек Кенжебай Чехияның Кардубица қаласында өткен каратэден әлем чемпионатында әлем чемпионы атағын жеңіп алған болатын.

Если вы заметили ошибку, выделите необходимый текст и нажмите Ctrl+Enter, чтобы сообщить об этом редакции

#Атырау #карате

Иван Рубан