• Главная
  • Атырауда тегін тілдер курсы ашылды
16:00, 20 января

Атырауда тегін тілдер курсы ашылды

фото: Аймақтық байланыс қызметі.

фото: Аймақтық байланыс қызметі.

Бұл туралы «Тіл» оқу-әдістемелік орталығы басшысының міндетін атқарушы Лаура Газизова мәлім етті, деп хабарлайды Өңірлік коммуникациялар қызметі.

Атырау қаласында биылдан бастап қазақ, орыс, ағылшын тіліне тегін оқыту курстары ашылды. Оқуға 20 жастан асқан қаланың кез-келген тұрғыны тіркеле алады. Мұнда алғашқыдан бастап, еркін сөйлеуге дейін үйретіледі. Бұл жобаны облыстық Мәдениет, тілдерді дамыту және архив ісі басқармасының демеушілігімен «Тіл» оқу-әдістемелік орталығы жүзеге асырған.

-Дамыған және алдыңғы қатарлы ел болуымыз үшін бізде білімге деген талпыныс болуы керек және жаңа заманның сын-тегеуріндеріне тез бейімделе білу қажет. Мақсатымыз – Атырау тұрғындарының біліктіліктерін арттыру, бәсекеге қабілетті болуға жағдай жасау. Бүгінгі таңда 70-ке жуық адам курстан өтуде. Олардың 80 пайызы жеке тұлғалар, 20 пайызы мекеме қызметкерлері. Ал қатысушылар 15 адамнан топқа бөлініп оқиды. Оқу жиілігі аптасына бес рет деп бекітілген. Қазақ тілі 120 сағат, орыс тілі мен ағылшын 80 сағат оқытылады,- деді жобаның ұйымдастырушысы Лаура Газизова.

Айта кетейік, курстың өтетін орны: Атырау қаласы, Құрманғазы көшесі, 12. Оқу курсына алдын-ала жазылу үшін 8(7122)51-95-27 және 87028072800 номерлеріне хабарласуға болады.

Если вы заметили ошибку, выделите необходимый текст и нажмите Ctrl+Enter, чтобы сообщить об этом редакции
#Атырау #тілдік курстар
Объявления
live comments feed...