Атырау қаласын қардан тазартуға 28 арнай техника бірлігі жұмылдырылды

13 қаңтар, сенбіге қараған түні,қар жауа бастауына байланысты "Спецавтобаза" ЖШС қызметкерлері күшейтілген жұмыс режиміне көшті.

Атырау қаласының әкімі Серік Шапкеновтың өкімі бойынша қар тазалаушы техникалар 5 топқа бөлініп, қаланың әр бөлігіне шоғырланды.

Жолдарда көк тайғақты болдырмау үшін 3 резервуар көпірлерге және жол жүру бөлігіне құм себу жұмыстарын жүргізуде.

"Спецавтобаза" ЖШС өкілдерінің айтуы бойынша, таңертеңгілік уақытқа дейін қаланың және қала маңындағы ауылдық округтердің көшелері тазаланатын болады.

- Бүгін біздің барлық күшіміз қаланы қардан тазалауға жұмсалады. Барлық арнай техникалар қар тазалау жұмыстарында болады. Біз ауа райын бақылауда ұстай отырып, жауын басылғанша тәуліктік режимде жұмыс жасауды жалғастырамыз,- деді "Спецавтобаза" ЖШС директорының орынбасары Кимеядин Шманов.