Алдағы демалыс күндерінен соң күн жылынады

Қазақстан синоптиктері келесі аптаның басына қарай ел аумағының басым бөлігінде күн жылынатынын болжап отыр, деп хабарлайды «ҚазАқпарат» ХАА «Қазгидромет» РМК-ге сілтеме жасап.

«Жылы әрі ылғалды атлантикалық ауа ағыны алдымен Қазақстанның батыс, ал дүйсенбіге қарай солтүстік, орталық және оңтүстік өңірлеріне қарай ауысады. Осыған байланысты ауа температурасы көтеріліп, жауын-шашын болуы мүмкін», - делінген хабарламада. Демалыс күндері Сібір антициклонының тарамдары Қазақстанның көптеген облысында суық әрі жауын-шашынсыз ауа райын сақтап тұрады. Ауа температурасы климаттық нормадан 3-5 градусқа, ал республиканың шығысында 7-13 градусқа дейін төмен болады.