«АЙДЫНДЫ АТЫРАУ – АЙБЫНДЫ АЛАШ»

Атырауда алғаш рет Алаш қозғалысының 100 жылдығына арналған «АЙДЫНДЫ АТЫРАУ – АЙБЫНДЫ АЛАШ» Республикалық дәстүрлі өнер фестивалі өтті.

Елбасы Н.Ә. Назарбаевтың «Болашаққа бағдар: рухани жаңғыру» мақаласында: «Еліміз жаңа тарихи кезеңге аяқ басты... Күллі жер жүзі біздің көз алдымызда өзгеруде... Жаңа тұрпатты жаңғырудың ең басты шарты ұлттық кодыңды сақтай білу. Онсыз жаңғыру дегеніңіз құр жаңғырыққа айналуы оп-оңай... Егер жаңғыру елдің ұлттық-рухани тамырынан нәр ала алмаса, ол да адасуға бастайды... Ұлттық бірегейлікті сақтау үшін салт-дәстүрлеріміз, тіліміз бен музыкамыз, бір сөзбен айтқанда ұлттық рухымыз бойымызда мәңгі қалуы тиіс...» деген болатын. Біздің ұлттық кодымыз – ұлттық өнер!

Аталмыш шараға облыс әкімі Н. Ноғаев қатысып «Биыл Алаш орда үкіметінің құрылғанына 100 жыл. Өз өмірлерін еліміздің дамуы мен  тәуелсіздік жолында жанын пида еткен асыл бабаларымыз ерен еңбектері еленіп отыр. Ықылым заманнан бері  осы ұлан байтақ жерді сақтау жолында талай боздақтар жанын қиды. Олардың аттарын біреуін білсек, біреуін білмейміз.  Қазіргі таңда  Елбасымыз Н. Әбішұлы Назарбаевтың  «Рухани жаңғыру, болашаққа бағдар» м ақаласының  аясында  жасалып жатқан игі  істер  тарихымыздың ақтаңдақ тұстарын толтыруға қызмет атқарып жатқанын көрсетіп отыр. Біз Алаш партиясының белсенділерінің аттарын барлығын білеміз. Мысалы: Ә. Бөкейханов, М. Дулатов, А. Байтұрсынов сияқты белсенді тап өкілдеріінің есімдерін жалғастыра беруге болады.  Сонымен қатар осы идеяны ту етіп ұстаған өз жерлестеріміз Халел, Жаңса Досмұхамедовтер дң де атай аламыз. Алайда, аталған есімдер туралы  біз білетін деректерден білмейтін деректеріміз көп-ақ. Осыларды табу біздің міндетіміз әрі перзенттік парызымыз»,-деп  бүгінгі келелі істің маңызыдылығын ұқтырып, тарих беттерін парақтауға үлкен міндет жүктеді.

 Сонымен қатар  фестивальге қазақ халқының дәстүрлі өнерін насихаттап жүрген Республиканың түкпір-түкпірінен келген  28 орындаушы қатысты.  Оның ішінде  А. Қосанова, Г. Сарина, Н. Жанпейісов, Ұ. Байбосынова, А. Елшібаева сияқты  елдің батасын алып, ыстық ықыласына бөленіп жүрген әншілер мен күйшілер өнер көрсетті.