Ресей Қазақстанның латын әліпбиіне көшуіне қатысты шешіміне пікір білдірді   

Мәскеу Астананың латын әліпбиіне көшуіне байсалды қарайды, бұл – Қазақстанның ішкі ісі. Бұл туралы Ресей Сыртқы істер министрінің орынбасары Григорий Карасин айтты, деп хабарлайды РИА Новости.

«Бұл жағдайда да біздің ұстанымымыз байсалды деген ойдамын, өйткені бұл – Қазақстанның ішкі мәселесі. Қандай тілді қандай деңгейде қолданатынын өзі шешеді», - деп мәлімдеді Карасин «Россия-24» телеарнасына берген сұхбатында.

Карасиннің айтуынша, жаңа жағдайға бейімделуге белгілі бір уақыт кетеді. Сонымен қатар ол бұл ретте ерекше проблема жоқ екенін атап өтті.

«Мен біздің екіжақты қарым-қатынасымызды бейімдеудің, орыс тілін латынмен байланысты жаңа жағдайда қалай бейімдеудің амалын табамыз», - деп түйіндеді дипломат.