Мақат ауданында 24 отбасы баспаналы болды

Тәуелсіздік күніне орай және ауданның 100 жылдығы аясында Мақат және Доссор кентінде 2 пәтерлі 12 жаңа тұрғын үйдің кілті  24 отбасыға табысталды,- деп хабарлайды Өңірлік коммуникациялар қызметі. 

Үйлі болған отбасылардың арасында әлеуметтік осал  топқа жататындар, көпбалалылар мен осыған дейін апатты үйде тұрып келгендер бар. Салтанатты іс - шараға аудан әкімі Азамат Мәмбетов қатысып,  пәтер кілтін табыстады.

-  Азаматтарды тұрғын үймен қамтамасыз ету халықтың әл-ауқатын жақсартуға көмектесетін негізгі  бағыт болып табылады. Тұрғындардың  тұрмыс тіршілігін жақсарту мақсатында келер жылы да ауданымызда тұрғын үйлер салынады. Жаңа қоныс иелерін шын жүректен құттықтаймын,- деді аудан әкімі А.Мәмбетов. 

Анықтама үшін: Жыл басынан бері Мақат ауданында 54 отбасыға пәтер кілті табысталды. Қазіргі уақытта үй кезегінде тұрған адам саны – 746.