Елтай ауылының көшелеріне жарық шамдары орнатылды

Индер ауданының Елтай ауылына 100 жарықдиодты шам орнатылды,-деп хабарлайды Өңірлік коммуникациялар қызметі.

- Биыл ауылдың 12 көшесіне барлығы 185  жаңа жарық шам орнатылды. Соның ішінде Сатпаяқов, Базарбаев, Датұлы, Шарипов, Қауашева, Тайманұлы көшелері ішінара жарықтандырылғандықтан, жаңадан желі тартылып, қосымша шамдар орнатылды,-деді  ауыл әкімі Дулатбай Сариев.

Әкімнің айтуынша, ауылдағы толық жарықтандырылмаған 7 көшеге келер жылы жарықдиодты шамдар орнатылады.

Айта кетейік, биыл Елтай ауылдық округіне қарасты Аққала ауылында 8 көшеге барлығы 120 шам қондырылып, ауыл толықтай жарықпен қамтамасыз етілді.