Жылыой ауданында Құрсай өзенінің аумағы абаттандырылуда

Қазіргі таңда өзеннің 2 шақырым аумағы абаттандырылып жатыр. Бұл туралы аудан әкімдігінің баспасөз қызметі хабарлайды.

Аталған жұмыстар Атырау облыстық құрылыс басқармасының тапсырысымен, «Теңізшевройл» компаниясының «Игілік» бағдарламасы аясында жүзеге асуда. Мердігер мекеме - «Орлан» ЖШС. Құрылыс жұмыстары былтыр желтоқсан айында басталып, биыл қыркүйек айына дейін аяқталады деп күтілуде. 

Мұнда жаяу адам жолы салынып, өректастар төселуде. Сондай-ақ 203 шам орнатылып,  343 терек отырғызылып, 103 отырғыш пен 103 дана қоқыс жәшігі (урна) қойылмақ.