Атырауда балаларға арналған ойын-сауық бағдарламасы ұйымдастырылды

Атырау қаласының күніне орай, қала әкімдігінің  қолдауымен Отбасылық үлгідегі «Шаңырақ» балалар ауылында тәрбиеленуші балаларға арналған «Біз бақытты баламыз» атты ойын-сауық бағдарламасы ұйымдастырылды. Іс-шараға қала әкімнің орынбасары Нұржан Ермұханов қатысты, деп хабарлайды  Өңірлік коммуникациялар қызметі. 

- Бұл дүниеде баланың күлкісі мен бақытынан артық ештеңе жоқ. Президент Қасым-Жомарт Кемелұлы Тоқаев атап өткендей, өскелең ұрпақтың жан-жақты дамуына қолайлы жағдай жасау - мемлекетіміздің басты міндетінің бірі. Бүгін арнайы сіздер үшін қала әкімі Шәкір Кейкін мырзаның атынан сіздерге  жақсы көңіл сыйлап, осындай шара ұйымдастырып отырмыз. Қала күні құтты болсын! Атырауымыз гүлденіп, көркейе берсін!- деді Н. Ермұханов.

Шарада атыраулық жас таланттар өнер көрсетіп, балаларға мерекелік көңіл-күй сыйлады.