Индербор ауылы Қазақтелекомның GPON желісіне қосылды

Қазақтелеком байланыс операторы мыс кабельдерін талшықты оптикаға ауыстыра отырып, байланыс желілерін жаңғыртуды жалғастыруда. Бұл туралы Өңірлік коммуникациялар қызметі хабарлайды.  

Жыл басынан бері «Тазарту» жобасы аясында компания бүкіл ел бойынша 35 000-нан астам пайдаланушыны ADSL технологиясынан GPON желісіне ауыстырды. Атырауда «Қазақтелекомның» заманауи желілері 3 мыңға жуық тұтынушыны қамтыды. Компания көпқабатты үйлерде ғана емес, облыстың жеке секторында да талшықты-оптикалық байланыс желілерін салуды жалғастыруда. Қазір облыс орталығынан 200 шақырым жердегі 33 мың тұрғыны бар Индербор ауылында «оптика» пайда болды. Индербор GPON технологиясы бойынша кең жолақты қатынау қызметі іске қосылған өңірдегі бірінші елді мекен. Компанияның алдағы уақыттағы жоспары ауылдағы 8 жаңа ғимаратты қосу, бұл тағы да 400-ден астам тұтынушыны қамтиды. 

-«Тазарту» жобасы аясында абоненттерді ауыстыру – облыс елді мекендерін «оптикамен» қамтудың тағы бір қадамы. Қазірдің өзінде ауыл тұрғындары телекоммуникациялық қызметтердің барлық спектрін бағалап үлгерді. Жаңа технологияның арқасында тұтынушылар қосымша заманауи мүмкіндіктеріне ие болды. Жалпы Атыраудағы «Қазақтелеком» АҚ оптикасын қамтуға жұмсалатын қуат облыс орталығының жалпы абоненттерінің шамамен 58 пайызын құрайды,- деді «Қазақтелеком» АҚ Атырау қалалық қолжетімділік желісі басқармасының желіні пайдалану және қайта құру қызметінің басшысы Ерлан Сымғалиев.

Ал Индербор кентінің әкімі Шалқар Альмурзиев бұл жұмыстар әлі де жалғасын табатынын жеткізді.

-Ең бастысы - абоненттер, оның ішінде ауылымыздың тұрғындары сапалы интернетті пайдалана алады. «Оптикаға» көшудің арқасында біз жоғары сапалы заманауи телекоммуникация қызметтеріне қол жеткіздік. «Қазақтелеком» өңірдегі цифрлық инфрақұрылымды белсенді дамытуды, яғни жаңа байланыс желілерін салуды және қолданыстағыларын жаңғыртуды жалғастыруда. Қазір көпқабатты үйлер салып жатырмыз, бұл бағыттағы жұмыстар жалғасын табады деген сенімдеміз,- деді ол. 

Айта кетейік, «Тазарту» жобасы аясында «Қазақтелеком» жыл соңына дейін республика бойынша 53 мыңнан астам абонентті GPON желісіне ауыстыруды жоспарлап отыр. Бүгінде 35 мыңнан астам тұтынушы жаңа қолжетімділік технологиясының пайдаланушысы болды.