Құрманғазы ауданында көп қабатты 60 пәтерлік тұрғын-үйдің құрылысы басталды

Атырау облысы әкімшілігінің тапсырысымен Құрманғазы ауданы Кадырка ауылында үш қабатты 60 пәтерлік тұрғын-үй нысанының құрылысы басталды, деп хабарлайды Өңірлік коммуникациялар қызметі.

Бүгінде құрылыс жұмыстарының мердігер мекемесі анықталып, NCOC компаниясымен келісім шарт жасақталуда. Сонымен қатар, қазіргі таңда құрылыс алаңын қоршау жұмыстары жүргізілуде.

-Құрылыс нысанына бөлінген 1 млрд 300 млн NCOC компаниясы арқылы каржыландырылады. Нысанның жұмыс барысы мен материалдық-техникалық сапасын тапсырыс беруші мекеме – облыстық Құрылыс басқармасы мен NCOC компаниясының техникалық қадағалаушы мекемелері тексеретін болады,- деді облыстық Құрылыс басқармасының басшысы Нұрберген Құсайынов.  

Айта кетейік, құрылыс жұмыстары 2024 жылдың маусым айында аяқталады деп жоспарланып отыр.