• Главная
  • Атырауда жас ақындар мүшәйрасы өтті
15:00, 2 июня 2023 г.

Атырауда жас ақындар мүшәйрасы өтті

фото: Аймақтық байланыс қызметі.

фото: Аймақтық байланыс қызметі.

Саяси қуғын-сүргін құрбандарын еске алу күніне орай «Жас жазба ақындар поэтикалық дуэлі» өтті. Іс-шараны Атырау қаласы Жастар ресурстық орталығы ұйымдастырды, деп хабарлайды Өңірлік коммуникациялар қызметі. 

Аталған мүшәйраға 16-35 жас аралығындағы 14 атыраулық жазба ақын қатысып, үш кезең бойынша бақ сынады. Алғашқы кезеңде еркін тақырыпта өз шығармашылығынан екі өлең оқыса, екінші кезеңде Саяси қуған-сүргін құрбандарына арнау мен патриоттық өлеңдер оқылды. Ал шешуші кезеңде жазба ақындар 10 минут ішінде Саяси қуған-сүргін құрбандарына өлең шығарды. 

-Бұл мүшәйра поэтикалық дуэл форматында өткізілді. Жалпы іс-шараның мақсаты – қуғын-сүргін құрбандарын, бабаларымызды еске алу болса, екінші жағынан жалпы шығармашыл жастарымызға, ақындарға қолдау көрсету,- деді Жастар ресурстық орталығының басшысы Бекарыс Закария. 

Ал қатысушылардың бірі Нұрай Талап өзіндей өңірдегі жас ақындардың көптеп өсіп келе жатқаны қуантатынын, сайыс жоғары деңгейде өткенін жеткізді. 

Жарыс қорытындысымен Нұржан Өмірбай I орынды иеленсе, Асыланбек Шығыр II орынды, Нұрай Талап III орынды қанжығалады. Сайыстың жалпы жүлде қоры 300 000 теңге.

Если вы заметили ошибку, выделите необходимый текст и нажмите Ctrl+Enter, чтобы сообщить об этом редакции
#Атырау #жас ақындар
Объявления
live comments feed...