![](https://s.inatyrau.kz/section/logo/upload/pers/135/logo.png?20240901)
18:00, 23 мая 2023 г.
Жылыой ауданында 600 орындық мектептің құрылыс жұмыстары басталды
![фото: Жылыой ауданы әкімдігінің баспасөз қызметі. фото: Жылыой ауданы әкімдігінің баспасөз қызметі.](/dist-assets/images/cap.jpg)
фото: Жылыой ауданы әкімдігінің баспасөз қызметі.
Құлсары қаласының Береке ықшам ауданында 600 орындық мектептің құрылыс жұмыстары басталды, деп хабарлайды Жылыой ауданы әкімдігінің баспасөз қызметі.
Мектеп «Теңізшевройл» компаниясының «Игілік» жобасы аясында салынуда. Мердігер мекеме «АВС-Лимитед» жауапкершілігі шектеулі серіктестігі.
-Құрылыс жұмыстары осы жылдың мамырында басталды. Келер жылдың желтоқсан айында аяқталады деп күтілуде. Бүгінде құрылыстың алғашқы жұмыстары, яғни жерді тегістеу жүргізіліп, қадалары қағылуда. Мұнда 700-ден астам тұрғыны бар Береке ықшам ауданының балаларымен қатар 1500 тұрғыны бар СМП-224 мөлтек ауданының балалары да оқитын болады. Қазіргі уақытта 35 қызметкер мен 10 техника қызу жұмыс үстінде,- деді Жылыой ауданы әкімінің орынбасары Әнуар Шәкіров.
Оның айтуынша, көлемі 3554 шаршы метр болатын екі қатарлы оқу ғимаратында заманауи үлгідегі асхана, мәжіліс залы, спорт зал, кітапхана және спорт алаңы қарастырылған.
Если вы заметили ошибку, выделите необходимый текст и нажмите Ctrl+Enter, чтобы сообщить об этом редакции
Последние новости
14:41
Вчера
Объявления
10:04, 23 августа
10:41, 19 августа
12
live comments feed...