«Таулы Карабах» этносаралық шиеленісте ерлігімен қаза тапқандар еске алынды.

Бұл туралы “Ерлік елге ұран, ұрпаққа үлгі” тақырыбында өткен шарада облыстық “Таулы Қарабах қақтығысының Қазақстандық ардагерлер Одағы” ҚБ төрағасы Әділхан Өтеғалиев мәлім етті,- деп хабарлайды Өңірлік коммуникациялар қызметі.

-Бүгін марқұм болған қарулас бауырларды еске алдық. Оның ішінде қатардағы жауынгер Таулы Қарабахта болған этносаралық қақтығысты реттеуге қатысқан Қоныс Мақтымқұлов еске алынды. Ол ерлігі үшін қызыл жұлдыз орденімен марапатталды. Сондай-ақ, “Ішкі істер Министрлігінің ішкі әскерлері қызметіндегі ерекшелігі үшін” белгісімен марапатталған Талғат Ермұханов еске алынды. Сондай-ақ, осы екі марқұм қарулас баурларымыздың бейнесін қаламыздың орталық алаңдарымен кіре берістеріне баннерге суретін шығарып ілінді. Бұл сарбаздардың аруағына тағзым, өскелең ұрпақ пен жастарға үлгі ретінде жасалып жатқан  отырған іс,-деді Ә. Өтеғалиев.

Айта кетейік, қазір айтулы қоғамдық бірлестікке тіркелген Таулы Қарабах қақтығысына қатысқан 60-қа жуық ардагер бар.