Атыраулық Асылай Дүйсен республикалық «Ясауитану-2023» байқауының ІІ орын иегері атанды

фото: Аймақтық байланыс қызметі.

Бұл туралы облыстық Білім беру басқармасы Таланттарды анықтау және қолдау орталығының директоры Руслан Сарбалин мәлім етті, деп хабарлайды Өңірлік коммуникациялар қызметі.

Түркістан қаласында «Ясауитану-2023» байқауының республикалық кезеңі өтті. Сайысқа еліміздің әр өңірінен 100-ге жуық оқушы қатысты. Атырау облысынан бес оқушы қатысып, 36 мектеп-гимназиясының оқушысы Асылай Дүйсен ІІ орынға ие болды.

— Байқаудың негізгі мақсаты – Ясауи мұрасын өскелең ұрпаққа насихаттау, сол арқылы олардың пайым-парасатын жоғарылату. Сондай-ақ, кесенеде жерленген тарихи тұлғаларымыз бен баһадүр бабаларымыздың ғибратқа толы ғұмырын, тарихи жәдігерлерді таныстыру. Бүгінгі сайысқа қатысушылардың тарихты білу деңгейі, Ясауи хикметтерін меңгергендігі сыналды,- деді Р.Сарбалин.

Айта кетейік, Ясауитану республикалық байқауы биыл 25-ші рет өткізіліп отыр.

Если вы заметили ошибку, выделите необходимый текст и нажмите Ctrl+Enter, чтобы сообщить об этом редакции

#Атырау #конкурс

Иван Рубан