Атырау мен Астрахань облыстары арасында денсаулық сақтау саласы нығаюда

Астрахань облысының Денсаулық сақтау мамандары Атырау облысына жұмыс сапарымен келді, деп хабарлайды Атырау облысының Өңірлік коммуникациялар қызметі. 

Астрахань облысының Денсаулық сақтау министрі Александр Буркин, «Володар аудандық ауруханасының» бас дәрігері Игорь Ливинсон, «Облыстық туберкулезге қарсы клиникалық диспансерінің» бас дәрігері Марат Сайфуллин, «Облыстық клиникалық стоматологиялық орталықтың» бас дәрігері Азат Шафигуллин Құрманғазы аудандық ауруханасы, облыстық кардиологиялық орталығы мен Ақсай дәрігерлік амбулаториясының жұмысымен танысып, дәрігерлермен тәжірибе алмасты.

- Атырау мен Астрахань облыстары әрқашан достық қарым-қатынаста. Біз жұмыс сапарымызда медицинаның дамыту мақсатында өңір дәрігерлерінің Астрахань облысымен тәжірибе алмасуға әр кез дайын екенін түсіндік. Сапалы әрі қолжетімді медицинаны бірге қалыптастыруға бізде дайынбыз, деді Астрахань облысының Денсаулық сақтау министрі Александр Буркин.