• Главная
  • Атыраулық өрт-сөндірушілер Батыс Қазақстан облысына көмекке аттанды
14:00, 16 марта

Атыраулық өрт-сөндірушілер Батыс Қазақстан облысына көмекке аттанды

фото: Аймақтық байланыс қызметі.

фото: Аймақтық байланыс қызметі.

Атыраулық құтқарушылар Батыс Қазақстан облысында елді мекенді су басуына байланысты көмекке аттанды, деп хабарлайды Өңірлік коммуникациялар қызметі. 

Кеше облыстық Төтенше жағдайлар департаментінің 49 қызметкері 9 бірлік техника мен 3 үрмелі қайық және 7 мотопомпамен жолға шықты. Қазіргі уақытта Батыс Қазақстан облысының Ақсай қаласында облыстық Төтенше жағдайлар департаменті «Өрт сөндіру және авариялық-құтқару қызметі» мемлекеттік мекемесі бастығының орынбасары азаматтық қорғау майоры Тілекқабыл Досмағанбетовтің басшылығымен құтқарушылар көшелердегі суды ПНС-110 автокөлігімен сору жұмыстарын жүргізуде. 

Сонымен қатар, БҚО Қаратөбе ауданында құтқарушылар үрмелі қайықпен каналдың арғы бетінде қалған тұрғындарды эвакуациялап, құм толтырылған қапшықтар төсеп, бөгеттер жасауда.

Если вы заметили ошибку, выделите необходимый текст и нажмите Ctrl+Enter, чтобы сообщить об этом редакции
#Атырау #өрт сөндірушілер
Объявления
live comments feed...