2017 жылғы қаңтар-желтоқсанда бөлшек сауда тауар айналымы 257777,5 млн. теңге құрады, бұл 2016 жылдың сәйкес кезеңімен салыстырғанда (салыстырмалы бағамен) 8,6% артық.
Жеке меншік кәсіпорындардың және жеке кәсіпкерлердің тауар өткізу айналымы 236985,4 млн. теңге (91,9%), басқа мемлекеттердің, олардың заңды тұлғаларының және азаматтарының меншігінен 20792,1 млн. теңге (8,1%) құрады.
2017 жылғы қаңтар-желтоқсанда облыстың көтерме тауар айналымы 726063,2 млн. теңге құрап, 2016 жылдың қаңтар-желтоқсан айларымен салыстырғанда 2 есеге өсті. Тауар айналым көлемінің басым көпшілігі (көтерме сауда көлемінің 74,2%) шетелдік сектор арқылы жүзеге асырылды.
2017 жылғы қаңтар-желтоқсанда бөлшек тауар айналымының қомақты өсуі өткен жылғы сәйкес кезеңмен салыстырғанда Құрманғазы (20,8%-ға), Жылыой (17,5 %-ға) аудандарында байқалды.
