Білім және ғылым вице-министрі Атырау университетінде

Қазақстан Республикасының Білім және ғылым вице-министрі Бибігүл Амангелдіқызы Асылова Атырау облысына жасаған іссапары кезінде Х. Досмұхамедов атындағы Атырау мемлекеттік университетінің тыныс-тіршілігімен танысты.

Қазақстан Республикасының Білім және ғылым вице-министрі университет ректорымен бірге Атырау университетінің мұражайында сақталған көне жәдігерлерге куә болып, биылғы оқу жылында пайдалануға берілген студенттерді кәсіпкерлікке баулып, сондай-ақ олардың ғылыми-зерттеу жұмыстарын қаржыландыруға мүмкіндік беретін «I SРАСЕ» - коворкингі мен бизнес инкубатор жобасының жұмысымен және екі компоненттен тұратын, ағылшын тілін үйренуге арналған инновациялық «Еnglish Оnly Space» орталықтарының жұмысымен танысты. Атырау университетінде жасақталынған тағы бір жаңашыл жоба - «Fab Lab-Atyrau» деп аталады. Сандық және өндірістік бұл зертхана- заманауи кішігірім цехтың қызметін атқарып, қатысушыларға CNC машиналарында қажетті бөлшектерді шығаруға жол ашып отыр.

 Суретті түсірген: Данияров Құдияр