Атырауда автокөлік жүк салғышында 1 тонна балық жасырған құқық бұзушы құрықталды

«Атырау-Астрахань» тас жолында 35 қап сазан балығымен заң бұзушы ұсталды, деп хабарлайды Атырау облыстық өңірлік коммуникациялар қызметі.

Бүгін таңғы сағат 02:30-да қаланың шыға беріс тас жолында «Toyota Land Cruiser» маркалы автокөлігі ұсталды. Көлік тізгіндеген 1995 жылғы Жанбай ауылының тұрғыны. Тексеріс барысында көлік салонында салмағы 1 тоннаны құрайтын 35 қап сазан балығы тәркіленді.

«Автокөлікте жалған мемлекеттік тіркеу нөмірі орнатылған. Қазіргі таңда ҚР Қылмыстық кодексінің 196 бабына сәйкес тергеу амалдары жүгізілуде», - деп хабарлайды Атырау облыстық Ішкі істер департаментінің баспасөз хатшысы Назымгүл Қайсағалиева.