Атырауда браконьерлер ұсталды

Атырау облыстық орман шаруашылығы және жануарлар дүниесін қорғау мекемесі аумақтық инспекциясының қызметкерлері заң бұзушыларды Зарослый каналында қылмыс барысында ұстады, деп хабарлайды Атырау облысының Өңірлік коммуникациялар қызметі.

Бүгін, 9 қаңтар 2018 жылы профилактикалық тексеріс кезінде сағат 12.30-да Дамбы поселкесінің екі тұрғыны Зарослый каналы тұсында ұсталды. Олардан мотоциклге қатысты және балық аулау үшін құжаттың жоқ болғандығы анықталды.

  - Мотоциклді тексеру кезінде 2 дана қызылбалық, 95 дана сазан табылды. Заңсыз ауланған балықтар тәркіленіп, тексеріс үшін ішкі істер департаментіне жеткізіледі. Ал мотоцикл айыппұл тұрағына жіберіледі, -деп мәлімдеді Атырау облыстық орман шаруашылығы және жануарлар дүниесін қорғау мекемесі аумақтық инспекциясы Табиғат ресурстарын қорғау бөлімінің бас маманы Рүстембек Берікұлы.