Атыраудың үздік оқушылары Тәуелсіздік күнін елордада қарсы алады

13 желтоқсанда Атырау қаласының әлеуметтік аз қамтылған және көп балалы жанұядан болған, сондай-ақ, үлгерімі үздік 40 оқушы Астана қаласына демалысқа аттанды, деп хабарлайды Атырау облыстық өңірлік коммуникациялар қызметі.

Атырау облысы Кәсіпкерлік және индустриялық – инновациялық даму басқармасының бастамасымен өткен бұл сапар тәуелсіздік мерекесіне орай ұйымдастырылды.

«Бүгінгі күн-біз үшін өте қуанышты күн. Біздің оқушыларға осындай мүмкіндік беріп отырған Атырау облысы Кәсіпкерлік және индустриялық – инновациялық даму басқармасының басшылығына алғысымызды айтамыз. Бұл шара әрі қарай да жалғасын табады деп ойлаймын»,- деді Атырау қалалық білім бөлімінің тәрбие ісі жөніндегі әдіскері Жұмазия Бозайқызы.

«Астана қаласына бара жатырғаныма қүаныштымын. Осы шараның ұйымдастырушыларына алғысымды білдіремін», - деді өз әсерімен бөліскен Қ.Сәтпаев атындағы орта мектептің оқушысы Мәжит Нұрайна.

Атыраулық оқушылар 3 күн бойы Астана қаласының мұражайларына экскурсия жасап, Елорданың көрікті жерлерін аралайды,  сәулетімен танысады деп жоспарлуда.