Атырауда мұнай-газ химиясы кешенінің құрылысы басталды

Ұлттық мұнай-химия технопаркінде қолға алынған жобаның алғашқы сатысында жылына 500 мың тонна полипропилен өндірілмек.

Құны 900 миллиард теңгеден асатын жобаның екінші кезеңінде полиэтилен зауыты салынады. Жоба толық қуатына көшкенде 3 мың адамды тұрақты жұмыспен қамтиды. Кешенде жылына 1 миллион 250 мың тонна полимер өнідіріледі.

Айта кетерлігі, Қазақстанның тұңғыш мұнай химиясы кешені аясында еркін экономикалық аймақ құрылмақ.

Жеңіс Өсербай, «Біріккен химиялық компания» ЖШС басқарма төрағасы: Құрылыс жұмысына 5000 адам тартылады. Оның 500-і жоба аяқталғанда маман ретінде тұрақты жұмыста қалмақ. Біздің өнімге әлемдік нарықта үлкен сұраныс жоғары. Сол себепті тауардың 90 пайызы Қытай, Түркия, басқа да Еуропа елдеріне экспортталатын болады.