Бүгін тұман түсіп, көктайғақ болуы ықтимал

Республиканың басым бөлігінде жауын-шашынсыз ауа райы күтіледі, тек солтүстік-батыста, орталықта және оңтүстіктің кей жерінде жауын-шашын жауады, тұман, көктайғақ күтіледі, жел 15-20 м/с күшейеді, деп хабарлайды Baq.kz ақпарат агенттігі Қазгидрометке сілтеме жасап.

Қызылорда облысының кей жерінде тұман, көктайғақ, желдің күші 15-20 м/с жетеді.

Жамбыл облысының кей жерінде тұман түсіп, күндіз желдің күші 15-20 м/с жетеді.

Оңтүстік Қазақстан облысының кей жерлерінде жел 15-20 м/с күшейеді, таңертең және күндіз тұман болады.

Алматы, Маңғыстау, Атырау, Батыс Қазақстан, Қостанай, Солтүстік Қазақстан, Павлодар, Қарағанды, Шығыс Қазақстан облыстарының кей жерінде тұман күтіледі.