ЖАҢА ЖЫЛДЫҚ БЕЗЕНДІРУЛЕР 89 МЛН ТЕҢГЕНІ ҚҰРАЙДЫ

Қалалық әкімдікте «Жаңа 2018 жылды қарсы алу мақсатында Атырау қаласын безендіру жұмыстары» лоты бойынша тендер өткізілді. Тендер құны 89 млнтеңге, оны «Диас и Компани» компаниясы ұтып алды. Бұл туралы тапсырыс берушінің өкілі – Құрманғазы атындағы мәдениет сарайының директоры Серік БИҒАМБАЕВ хабарлады.

- Өткен жылмен салыстырғанда жаңа безендірулер бола ма?

- Өткен жылы мен бұл жұмыстармен айналысқан жоқпын. Қазір жаңа безендіру нұсқалары, соның ішінде көшелер мен алаңдарда жарқыраған құрылымдар бойынша эскиздер әзірленгенін білемін. Жұмыс көлемі үлкен, - деп жауап берді С. Биғамбаев.

Салыстырар болсақ, жаңа жылдың қарсаңында Ақтау қаласын безендіруге жергілікті билік 13,9 млн теңге (өткен жылға қарағанда 5 млн теңгеге аз) жұмсауға дайын. Естеріңізге салсақ, 16-17 желтоқсанда Тәуелсіздік мерекесі тойлануы тиіс, бірақ бұл туралы әзірге ақпарат жоқ.