Жел күшейіп, көктайғақ болуы ықтимал

Бүгін атмосфералық фронттардың өтуіне байланысты Қазақстанның кей жерлерінде жауын-шашын жауады, деп хабарлайды Baq.kz ақпарат агенттігі «Қазгидромет» РМК-ге сілтеме жасап.

Тек республиканың батысы және солтүстік-батысы жауын-шашынсыз болады. Кей жерлерінде жел күшейіп, тұман, көктайғақ болуы мүмкін.

Ақмола, Шығыс Қазақстан облыстарының кей жерлерінде тұман, көктайғақ, желдің күші 15-20 м/с жетеді.

Оңтүстік Қазақстан облысының кей жерлерінде жел 15-20 м/с болады.

Алматы, Жамбыл, Қызылорда, Қостанай, Ақтөбе, Солтүстік Қазақстан, Қарағанды, Павлодар, Маңғыстау, Атырау, Батыс Қазақстан облыстарының кей жерлерінде тұман, Қостанай, Павлодар облыстарының кей жерлерінде көктайғақ болуы ықтимал.