Атырау облысындағы шағын және орта кәсіпкерліктің дамуы

2017 жылғы қаңтар-маусымда шағын және орта кәсіпкерлік субъектілерімен өнім шығарылымы 655,2 млрд. теңгені құрады. ШОК-та жұмыспен белсенді қамтылғандар саны 2017 жылғы 1 шілдеге 121,4 мың адамды құрады. Өткен жылғы сәйкес кезеңімен салыстырғанда өнім шығарылымы  (салыстырмалы бағаларда) 53,3%-ға өсті, жұмыспен қамтылғандар саны 4,4%-ға азайды. 

2017 жылғы 1 шілдеге жұмыс істеп тұрған шағын және орта кәсіпкерлік субъектілер саны 42435 бірлікті құрады, оның ішінде заңды тұлғалар - 5670, дара кәсіпкерлер - 34581 және шаруа қожалықтары - 2184.

          Өткен жылғы сәйкес кезең мәліметтерімен салыстырғанда жұмыс істеп тұрған субъектілер саны 2,5% көбейді.

         ШОК субъектілерінің жалпы санында дара кәсіпкерлер үлесі 81,5%, шағын кәсіпкерліктегі заңды тұлғалар – 13,1%, шаруа немесе фермер қожалықтары – 5,2 %, орта кәсіпкерліктегі заңды тұлғалар – 0,2%-ды құрады.

        Жұмыс істеп тұрған дара кәсіпкерлердің ең көп саны Атырау қаласында (67,4%), Жылыой (12%), Құрманғазы (жалпы санынан 4,9%)  аудандарында шоғырланған.